Plagosja në Pogradec, kapet pas 5 orësh autori i dyshuar

Policia e Pogradecit arriti të kapë pas 5 orësh autorin e dyshuar të plagosjes së një 27-vjeçari.

Ngjarja ndodhi pranë kryqëzimit të Tushemishtit në Pogradec.

Policia thotë se janë arrestuar D. M., 32 vjeç dhe K. L., 27 vjeç, banues në Pogradec.

Gjatë një konflikti të çastit, me Alted Jolldashin, 27 vjeç, dyshohet se kanë qëlluar me armë zjarri në drejtim të tij, i cili për pasojë mbeti i plagosur dhe ndodhet për mjekim në spital.

Në cilësinë e provës materiale u gjetën dy armët e zjarrit që dyshohet se u përdorën në konflikt, nga autorët e krimit, të cilat u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.