Është zbardhur plagosja e 28-vjeçarit Xhuliano Shkurti, të ndodhur një ditë më parë në një servis makinash në Vorë, në pronësi të vëllezërve me mbiemër Mara. Në njoftimin zyrtar, Policia e Shtetit bën me dije se ka vënë në pranga një 39-vjeçar, që akuzohet për moskallëzim krimi, ndërsa autori i plagosjes, B. B., 32 vjeç dhe dy persona të tjerë me inicialet R. L., 38 vjeç, dhe M. U., 37 vjeç, janë shpallur në kërkim.
Katër të rinjtë u futën në një servis makinash në Marikaj të Vorës dhe u përleshën me dy vëllezërit Mara dhe punëtorin, Xhuliano Shkurti, 28 vjeç. Për pasojë, ky i fundit ka mbetur i plagosur me armë zjarri, ndërsa dy vëllezërit kanë plagë të shkaktuara nga sende të forta. Shkak për sherrin mësohet se janë bërë disa pjesë këmbimi, por ende nuk është e qartë. Të plagosurit ndodhen në spital dhe po marrin ndihmën e nevojshme mjekësore.
“Specialistët e Komisariatit të Policisë Nr. 7 arrestuan shtetasin O. P., 39 vjeç, për veprën penale “Moskallëzimi i krimit”, si dhe po punojnë për shoqërimin e shtetasve B. B., 32 vjeç, R. L., 38 vjeç, dhe M. U., 37 vjeç. Ditën e djeshme, këta shtetas, në bashkëpunim me njëri-tjetrin dhe me shtetas të tjerë ende të paidentifikuar, kanë hyrë në ambientet e një servisi në Vorë, dhe janë konfliktuar me shtetasit A. M., F. M. dhe Xh. Sh. Gjatë konfliktit, shtetasi B. B. dyshohet se ka qëlluar me armë zjarri dhe si pasojë ka mbetur i plagosur shtetasi Xh. Sh., ndërsa shtetasit F. M. dhe A. M. janë dëmtuar gjatë konfrontimit fizik. Të tre këta shtetas janë rrezikut për jetën, njoftoi policia.
Discussion about this post