Plagosja në Tiranë, policia jep detajet: Autori goditi me thikë dy vëllezër (Emrat)

Policia e Tiranës ka reaguar zyrtarisht për plagosjen e ndodhur në rrugën “Ali Visha” në kryeqytet, pranë shkollës Mihal Grameno. Efektivët shprehen se autori i ngjarjes ka goditur me thikë dy vëllezër. Autori pas ngjarjes u arrestua. Agim dhe Agron Karafili  ndodhen në spital jashtë rrezikut për jetën.

“Rreth orës 12:50, në rrugën “Ali Visha” pas një konflikti për motive të dobëta shtetasi Sh. H., rreth 51 vjeç ka goditur dyshohet me një mjet prerës shtetasit A. K., 51 vjeç dhe A. K., 57 vjeç(vëllëzer), të cilët ndodhen në spital, nën kujdesin e mjekëve.

Shërbimet e Policisë kanë shoqëruar për në Komisariatin e Policisë Nr. 1, autorin e dyshuar shtetasin Sh. H, për veprime të metejshme procedurale. Grupi hetimor punon për sqarimin e rrethanave të rastit.