Një person është plagosur me armë zjarri këtë të premte në Gjakovë.
Sipas policisë, ngjarja ka ndodhur rreth orës 18:20 në rrugën “Yll Morina”.
“Sot rreth orës 18:20 jemi njoftuar se një person mashkull i moshës madhore ishte qëlluar më armë zjarri në rrugën ‘Yll Morina’ në Gjakovë”, ka thënë zëdhënësi i policisë për rajonin e Gjakovës, Sheremet Elezaj.
Ai ka bërë të ditur se policia menjëherë ka shkuar në vendin e ngjarjes, ndërsa i plagosuri është dërguar në Spitalin Rajonal në Gjakovë.
“Nga informacionet e para nga personeli mjekësor, i plagosuri është jashtë rrezikut për jetë. Aktualisht policia është duke ndërmarr të gjitha veprimet e duhura hetimore që do të ndihmonin hetimin dhe sqarimin e rastit si dhe kapjen e të dyshuarit”, ka përfunduar Elezaj.
Discussion about this post