Një 65-vjeçar i identifikuar si Faik Veliu është plagosur me armë zjarri. Menjëherë i plagosuri është dërguar në spital për të marrë ndihmë mjekësore dhe ndodhet jashtë rrezikut për jetën. Ngjarja e rëndë ndodhi në orën 05:00 në fshatin Ngurrëz e Vogël në Lushnjë.
“Sot rreth orës 05:00, në fshatin Ngurrëz e Vogël, Lushnjë, në territorin e jashtëm të banesës së tij, në rrethana ende të paqarta është plagosur me armë zjarri shtetasi F. V., 65 vjeç, i cili ndodhet në spital, nën kujdesin e mjekëve jashtë rrezikut për jetën”, thuhet njoftimin zyrtar të policisë.
Grupi hetimor ndodhet në vendngjarje dhe vijon punën për sqarimin e rrethanave të ngjarjes. Nuk dihet ende emri i autorit, i cili është larguar në drejtim të paditur.
