Mesnatën e se enjtes janë plagosur me armë zjarri dy të rinj në Tiranë. Ngjarja ka ndodhur reth orës 00:05, te “Mbikalimi i Qafë-Kasharit”. Ende nuk dihen arsyet e përdorimit të armëve por mësohet se është plagosur një 19 vjeçar dhe një 20 vjeçar të cilët ndodhen në spital nën kujdesin e mjekëve.
Policia ka ngritur pika kontrolli në të gjithë zonën me qëllim identifikimin dhe kapjen e autorëve.
“Rreth orës 00:05, tek “Mbikalimi i Qafë-Kasharit”, në rrethana ende të paqarta dyshohet se janë plagosur me armë zjarri shtetasit E. S., 20 vjeç dhe N. M., 19 vjeç, të cilët ndodhen në spital, nën kujdesin e mjekëve. Janë ngritur pika kontrolli në të gjitha hyrje-dalje të Tiranës dhe vijon kontrolli i zonës me qëllim identifikimin dhe kapjen e autorit/ve. Grupi hetimor po punon për sqarimin e plotë e rrethanave të ngjarjes”, thuhet në njoftimin paraprak të policisë.
