Një konflikt mes fqinjësh ka sjellë plagosjen me armë zjarri të një 40-vjeçari në Vlorë. I lënduari Defrim Pashaj është transportuar në spital dhe raportohet se ndodhet jashtë rrezikut për jetën. Sipas hetimeve paraprake, konflikti mes palëve ka ndodhur për motive të dobëta.
Autori Ledjon Zahaj është arrestuar, ndërsa është sekuestruar edhe arma me të cilin ndodhi plagosja.
“Rreth orës 16:00, në lagjen ‘10 Korriku’, Ledjon Zahaj, 38 vjeç, dyshohet se pas një konflikti për motive të dobëta, ka plagosur me armë zjarri, shtetasin Defrim Pashaj, 40 vjeç, të dy banues në lagjen ‘10 Korriku’, Vlorë. Shërbimet e Policisë kanë bërë të mundur kapjen dhe neutralizimin e autorit të dyshuar, shtetasit Ledjon Zahaj. Ndërkohë, i plagosuri, aktualisht po merr ndihmë mjekësore në spital dhe ndodhet jashtë rrezikut për jetën”, njoftoi policia.
Nën drejtimin e Prokurorisë vijojnë veprimet për dokumentimin e plotë të rrethanave të ngjarjes, shtuan të njëjtat burime.
Discussion about this post