Një 45-vjeçar ka mbetur i plagosur në lagunën e Patokut. Ngjarja e rëndë ka ndodhur këtë pasdite. Autor është Besnik Selmani. I plagosuri u identifikua si Besnik Pulaj dhe është nisur për në Spitalin e Traumës në Tiranë.
Policia është vënë në kërkim të autorit të dyshuar të plagosjes. Dyshohet se konflikti mes palëve ka nisur për pronat në këtë zonë.
Kurbin / Informacion paraprak
Në Lagunën e Patokut, Kurbin, rreth orës 17:00, shtetasi B. S. 56 vjeç, banues në Milot, dyshohet që pas një konflikti të çastit për motive të dobëta, ka plagosur me çifte, shtetasin B. P. 49 vjeç, banues në Krujë, i cili është transportuar në spital për ndihmë mjekësore dhe ndodhet jashtë rrezikut për jetën.
Grupi hetimor në vendngjarje vazhdon veprimet hetimore për zbardhjen e plotë të rrethanave të ngjarjes.
Janë ngritur pika kontrolli e po bëhet krehja e zonës me qëllim lokalizimin dhe kapjen e autorit.
Discussion about this post