Kina është zgjuar sot nga tmerri i një masakre të ndodhur në spital. Bëhet me dije se katër persona u plagosën nga një burrë me thikë në një nga spitalet më të mëdha të Shangait, incidenti i dytë i tillë në qytetin kinez që nga heqja e bllokimit në fillim të qershorit.
Videot e postuara në rrjetet sociale tregojnë skena të kaosit që shpaloseshin në spital, teksa pacientët përpiqeshin të dilnin nga ndërtesa, ndërsa mjekët vrapuan për siguri së bashku me pacientët e tyre, disa prej të cilëve ishin në karrige me rrota ose karrige.
Gjurmët e gjakut dukeshin në sipërfaqen e mermertë të një shkalle. Një banor i Shangait që mbërriti në spital menjëherë pas sulmit është shprehur: “Është absolutisht tronditëse. Është zhgënjyese. Çfarë ka ndodhur me këtë shoqëri?”, raporton ptotothema.gr.
Pas mbërritjes në spital, policia ka gjetur një burrë të armatosur me thikë që mbante peng disa pacientë në katin e shtatë të departamentit ambulator. Kur sulmuesi kërcënoi se do të dëmtonte pengjet, policia hapi zjarr ndaj tij dhe e arrestoi. Sipas raportimit të policisë asnjë nga të plagosurit nuk është në gjendje kritike për jetën dhe hetimi për ngjarjen ka nisur.
Discussion about this post