Plagosje me thikë në Durrës, 60-vjeçari në gjendje shumë të rëndë

Një sherr mes dy personave në Durrës ka përfunduar me pasojë plagosjen e njëri prej tyre.

Policia thotë se një 54-vjeçar ka qëlluar me thikë një 60-vjeçar për motive të dobëta.

Ky i fundit ndodhte në spital në gjendje kritike për jetën, ndërsa agresori është vënë në pranga.

Njoftimi i policisë

Plagosi me mjet prerës (thikë), një 60-vjeçar, gjatë një konflikti për motive të dobëta, kapet menjëherë nga shërbimet e Policisë dhe shoqërohet në komisariat, 54-vjeçari.

Në lagjen nr. 14, Durrës, gjatë një konflikti për motive të dobëta, shtetasi E. Ç, 54 vjeç, ka plagosur me mjet prerës (thikë), shtetasin G. D., 60 vjeç, i cili ndodhet në spital, në gjendje të rëndë.

Shërbimet e Policisë pas marrjes së njoftimit, brenda pak minutash kanë bërë të mundur kapjen dhe shoqerimin në Komisariat të shtetasit E. Ç., për veprime të mëtejshme.

Vijon puna për dokumentimin e plotë të kësaj ngjarjeje.