Plagosje në Shkodër. Si pasojë e ngjarjes, tre persona kanë përfunduar në spital. Njëri nga të plagosurit është në gjendje të rëndë për jetën. Ngjarja ka ndodhur pranë Poliklinikës në qendër të qytetit verior.
Mësohet se një shtetas ka plagosur me thikë tre personat e paraqitur tashmë në spital. Policia ka identifikuar autorin dhe po punon për kapjen e tij. Autori dyshohet se është një 18-vjeçar, që ka plagosur tre bashkëmoshatarë.
“Rreth orës 12:30, në lagjen “Qemal Stafa”, në rrethana ende të paqarta, shtetasi A. H., rreth 18 vjeç ka dëmtuar me mjet prerës 3 bashkëmoshatarë të tij të cilët po marrin asistencën mjekësore në spital.
Shërbimet e Policisë janë vënë të ndjekje të autorit dhe po ushtrojnë kontrolle në zonë, me qëllim kapjen e tij. Gjithashtu, grupi hetimor vijon punën për sqarimin e plotë të rrethanave të kësaj ngjarjeje.”, thuhet në njoftimin e policisë.
Discussion about this post