Plagosje me thikë në lagjen ‘Rus’, në hyrje të tregut. Në konflikt janë përfshirë dy persona, njëri prej të cilëve ka nxjerrë thikën duke e qëlluar në bark, tjetrin.
Personi i lënduar është shtruar në spitalin e Shkodrës, aty ku është në gjendje kritike për jetën. Policia mësohet se ka shoqëruar autorin e dyshuar.
Ende nuk dihen motivet e plagosjes. Mësohet se shtetasi Musa Çinari 78 vjeç ka plagosur Artan Bobnajn. Ngjarja ka ndodhur pranë një lavazhi në qytet.
“Plagosi me mjet prerës (thikë), një 38-vjeçar, pas një konflikti të çastit, identifikohet dhe shoqërohet menjëherë nga Policia, autori i dyshuar. Rreth orës 11:30, në lagjen “Rus”, dyshohet se pas një konflikti të çastit, është plagosur me mjet prërës (thikë), shtetasi A. B., 38 vjeç, banues në fshatin Bardhaj, Shkodër, i cili ndodhet në spitalin e Shkodrës, në kujdesin e mjekëve. Menjëherë pas marrjes së njoftimit, shërbimet e Policisë kanë organizuar punën, me qëllim zbardhjen e rrethanave të këtij rasti, si dhe për identifikimin dhe kapjen e autorit. Falë veprimeve të shpejta dhe profesionale operacionale, shërbimet e Policisë identifikuan dhe shoqëruan menjëherë në ambientet e Policisë, autorin e dyshuar të kësaj ngjarjeje, shtetasin M. Ç., 78 vjeç, banues në lagjen Partizani, Shkodër, për kryerjen e veprimeve të mëtejshme procedurale. Grupi hetimor vijon punën për zbardhjen dhe dokumentimin e plotë ligjor të këtij rasti.”, tha policia.
Discussion about this post