Plagosje me thikë në Tiranë, shpallet në kërkim autori

Plagosi me thikë një shtetas, shpallet në kërkim 51-vjeçari.

Policia e Tiranës bëri të ditur se ngjarja ka ndodhur në afërsi të Zogut të Zi, ku gjatë një konflikti për motive të dobëta, një shtetas ka goditur me mjet prerës thikë shtetasin E. Sh., 34 vjeç.

Policia njoftoi se ka identifikuar autorin e dyshuar dhe ka shpallur në kërkim shtetasin S. Z., 51 vjeç, banues në Tiranë.

“Nga veprimet hetimore të kryera ka rezultuar se shtetasi S. Z., ditën e sotme, në vendqëndrimin e taksive në afërsi të Zogut të Zi, gjatë një konflikti ka goditur me mjet prerës thikë shtetasin E. Sh.

Si pasojë shtetasi E. Sh, është dëmtuar dhe aktualisht ndodhet në spital, nën kujdesin e mjekëve.

Vijon puna për kapjen e shtetasit S. Z.

Materialet i kaluan Prokurorisë, për veprime të mëtejshme procedural”, njofton policia.