Një plagosje me thikë ka ndodhur pasditen e së enjtes në kryeqytet. Mësohet se ngjarja ka ndodhur në zonën e “Don Boskos”, ndërsa bëhet fjalë për një konflikt mes dy fqinjëve.
Nga ana tjetër, lidhur me ngjarjen dhe sipas informacioneve paraprake bëhet me dije se konflikti ka ndodhur për një tub uji.
Nga ky konflikt është plagosur një person i cili ka marrë një plagë të lehtë në sup dhe ndodhet jashtë rrezikut për jetën. Ndërkohë në pranga është vendosur autori.
“Më datë 15.09.2022, në orën 16:10, në rrugën “Kastriotët”, gjatë një konflikti për motive të dobëta, shtetasi B. I., 30 vjeç, ka goditur me mjet prerës shtetasin G. F., 23 vjeç.
Si pasojë 23-vjeçari është dëmtuar dhe ndodhet në spital, jashtë rrezikut për jetën, ndërsa autori i dyshuar është shoqëruar në komisariat, për veprime të mëtejshme.”
Grupi hetimor po punon për sqarimin e rrethanave të ngjarjes.
Discussion about this post