Plagosje me thikë në Vlorë, arrestohet autori

Një konflikt ka ndodhur në zonën e quajtur Kapelja në Vlorë, ku 47-vjeçari, Erjon Memushaj është goditur me thikë nga Ardit Trushi.

Sipas policisë ngjarja ka ndodhur në lagjen “28 Nëntori”, dyshohet se gjatë një konflikti për motive të dobëta, shtetasi A. T., 34 vjeç, ka goditur me mjet prerës (thikë), shtetasin E. M., 47 vjeç.

Njoftimi i policisë

Goditi me mjet prerës (thikë), një shtetas, falë reagimit të menjëhershëm, shërbimet e Policisë kapin autorin e dyshuar.

Rreth orës 12:55, në lagjen “28 Nëntori”, dyshohet se gjatë një konflikti për motive të dobëta, shtetasi A. T., 34 vjeç, ka goditur me mjet prerës (thikë), shtetasin E. M., 47 vjeç.

Shërbimet e Policisë kanë kapur autorin e dyshuar të ngjarjes, shtetasin A. T., dhe e kanë shoqëruar atë në ambientet e Komisariatit të Policisë Vlorë.

Shtetasi E. M. ndodhet në spital, në kujdesin e mjekëve.