Një konflikt i çastit ka agravuar në përdorimin e thikave, mesditën e kësaj të mërkure në kryeqytet.
Ngjarja ka ndodhur në rrugën pranë shkollës “Fan Noli”. Burime për gijotina.com bëjnë me dije se drejtuesi i një mjeti të vogël është konfliktuar me dy drejtues furgonësh të transportit të nxënësve, A. V, 37 vjeç dhe V. V, 42 të cilët kishin bllokuar rrugën që të hipnin nxënësit.
Ai u ka kërkuar të hapin rrugën me pretendimin se kishte urgjencë. Debati ka përfunduar me përdorimin e thikës nga ana e tij, duke goditur njërin nga dy shoferët e fugonave.
I dëmtuari është transportuar në spitalin e Traumës për ndihmë mjekësore.
Discussion about this post