Një 40-vjeçari është shpallur në kërkim pasi ditën e djeshme goditi me thikë një 23-vjeçar.
Ngjarja ka ndodhur të premten në lagjen “Pavarësia”, ku shkak dyshohet të jetë bërë një konflikt i çastit, për motive të dobëta.
23- vjeçari i cili u godit me thikë raportohet se ndodhet në spital dhe është jashtë rrezikut për jetën.
“Komisariati i Policisë Vlorë, referoi materiale në Prokurori dhe punon për kapjen e shtetasit 40- vjeç, banues në Vlorë, pasi ditën e djeshme, në lagjen ‘Pavarësia’, dyshohet se pas një konflikti të çastit, për motive të dobëta, ka goditur me mjet prerës (thikë) shtetasin 23 vjeç, banues në Vlorë, i cili ndodhet në spital, jashtë rrezikut për jetën”, njoftoi policia.
Discussion about this post