Yll Limani është një ndër këngëtarët më të pëlqyer shqiptar. Marrë shkas nga kjo, emri i tij është komentuar për një përfaqësim të mundshëm të Shqipërisë në Eurovision. Megjithatë, një gjë e tillë nuk do të ndodhë as këtë vit. Këtë gjë e ka konfirmuar vetë këngëtari shqiptar.
Përmes një postimi të bërë në rrjetin social Instagram, autori i shumë hiteve ka shkruar: “Nuk do të marr pjesë në Festivalin e Këngës në RTSH për Eurovision”. Kujtojmë që së fundmi u përfol për të tjera emra që do të merrnin pjesë në Festivalin e Këngës dhe bëhej fjalë për Dhurata Dorën dhe Elvana Gjatën.
Ishte kjo e fundit që mohoi zërat duke thënë: “Nuk konkurroj këtë vit për Eurovision”.
Discussion about this post