Meteorlogu Hakil Osmani ka bërë me dije si do të jetë moti gjatë kësaj fundjave dhe për javën që vjen.
Ai tha se moti pritet të jetë i qëndrueshëm, teksa nuk do të mungojnë as temperaturat e larta.
“Dita e sotme do të sjellë interval të gjata me kthjellime deri në orët e mesditës dhe pasdites, më pas do të kemi kalime të lehta të vranësirave, më të dukshme në zonat malore.
Do të kemi rritje të temperaturave të ajrit. Në qytetet e zonave malore do kemi vlera 8 gradë Celsius, ndërsa maksimumet në orët e mesditës do të arrijnë deri në 30 gradë Celsius.
Dita e shtunë në pjesën e parë të saj pritet të jetë me interval të gjata me kthjellime. Pjesa e dytë e ditës do të shtojë vranësirat. Edhe dita e diel gjatë paradites mbetet në ndikimin e kthjellimeve, ndërsa pasditja sjell kalime të vranësirave dhe reshje shiu.
Edhe dita e hënë mbetet në mbizotërimin e masave ajrore të ngrohta, maksimumet do të jenë 29-30 gradë Celsius.
Paraditet do të jenë në mbizotërimin e motit të qëndrueshëm, ndërsa pasditet do të kenë reshje të pakta shiu”, tha Osmani./7pa5
Discussion about this post