Për fundjavën që presim përpara, vendi ynë do të ndikohet nga kushte të qëndrueshme atmosferike. Kjo, sipas Shërbimit Meteorologjik Ushtarak, do të vijë si rezultat i depërtimit gradual të masave ajrore të nxehta për shkak të aktivitetit të Anticiklonit Afrikan mbi një pjesë të Evropës qendrore dhe kryesisht atë lindore – juglindore.
Moti si për ditën e Shtunë ashtu dhe për ditën e Diel parashikohet i kthjellët në të gjithë territorin si dhe vranësira të pakta kalimtare në relievet malore në lindje në orët e mesditës.
Era do të fryjë kryesisht e lehtë me drejtim veriperëndim – jugperëndim dhe shpejtësi mesatare 1-4 m/s, ndërsa përgjatë vijës bregdetare hera-herës në mesditë dhe pasdite ajo fiton shpejtësi deri në 6 m/s.
Discussion about this post