Liga e Kombeve të UEFA-s do të zgjerohet për të përfshirë të 10 vendet e Amerikës së Jugut nga edicioni i vitit 2024, sipas nënpresidentit të këtij institucioni, Zbignieë Boniek.
Në një lëvizje që do të shihet si në kundërshtim të qartë me Kupën e Botës dyvjeçare të planifikuar të FIFA-s, UEFA dhe CONMEBOL, konfederata e Amerikës së Jugut, nënshkroi një Memorandum Mirëkuptimi të rinovuar dhe të zgjeruar të mërkurën për t’u angazhuar për hapjen e një zyre të përbashkët UEFA/CONMEBOL në Londër dhe organizimin e mundshëm të një sërë ngjarjesh futbolli.
Tashmë është konfirmuar se “Finalissima” e parë mes fituesve të Kampionatit Europian dhe Kupës së Amerikës do të zhvillohet në Londër më 1 qershor 2022, kur Italia do të përballet me Argjentinën.
“Kjo është Liga e Kombeve të UEFA-s së fundit në këtë format. Kemi pasur një takim me CONMEBOL-in, konfederatën e vendeve të Amerikës së Jugut, nga viti 2024 në garë do t’i bashkohen ekipet nga ky kontinent. Në çfarë formati do të jetë? Ne ende po punojmë për të. Orari i ndeshjeve për ekipet kombëtare është i kufizuar, kështu që nuk mund ta ngatërrojmë shumë”, tha Boniek.
Discussion about this post