Plani i Qeverisë japoneze për të lëshuar ujin e centraleve bërthamore në oqean, nuk është pritur mirë nga fqinjët e tyre të cilët e kanë treguar hapur zemëratën e tyre duke protestuar kundër vendimit të Tokjos.
Partia e shumicës opozitare e Koresë së Jugut dhe grupet qytetare në të gjithë vendin kanë rinisur protestat kundër planit të Japonisë për të lëshuar ujë nga centrali bërthamor Fukushima.
Qeveria e presidentit konservator Yoon Suk Yeol është kritikuar pasi mbrojti qëndrimin se vlerësimi i saj nuk gjeti probleme me aspektet shkencore dhe teknike të planit të Japonisë, shkruan Reuters.
Më shumë se një mijë depozita gjigande që mbajnë rreth 1.3 milionë metra kub ujë, të përdorur për të ftohur reaktorët, gjenden përreth centralit të dëmtuar bërthamor Daiichi në Fokushima.
Ujit i është hequr shumica e ndotësve radioaktivë, por ende përmban elementin radioaktiv tritium, thotë për Zërin e Amerikës shkencëtari amerikan Paul Dickman, këshilltar për qeverinë japoneze.
Discussion about this post