Prokuroria e Tiranës ka kërkuar 50 vite burg për Faik dhe Shkëlzen Buci të akuzuar për vrasjen e Eglantina Bucit 10 vite më parë. Prokuroria ka kërkuar dënimin me 25 vite për Faikun dhe 25 të tjera për Shkëlzenin për veprën penale vrasje me paramendim, e kryer në bashkëpunim. Vrasja e 23-vjeçares në 2012 është kryer nga i vëllai Shkëlzen Buçi me urdhër të babait Faik Buci. Një person i tretë i cili ka parë momentin e ekzekutimit të Eglantinës ka rrëfyer gjithë krimin. “Jam kontaktuar nga Faik Buci dhe Shkëlzeni që të vendos kontakt me Eglantinën, pasi ajo ishte larguar nga shtëpia. Pas disa kontaktesh vetë Shkëlzeni e takon motrën. Pas disa kafesh ai kishte marrë Eglantinën në makinë dhe pasi më takoi edhe mua më mori me vete. Kur po lëviznim me makinë, Shkëlzeni i ka thënë Eglantinës që meqë rregulluam marrëdhëniet do pimë një kafe. Në momentin që morëm rrugën për në Malin me Gropa, Eglantina e kuptoi se diçka nuk shkonte dhe filloi të shqetësohej. Kur shkuam aty ai e qëlloi atë me një plumb në kokë. Më pas ka marrë babin Faikun dhe i ka thënë se ajo punë u mbyll”, tha miku i Shkëlzenit.
Ngjarja
Vrasja makabër e lënë në hije plot 8 vjet nga vrasja e 23-vjeçares Eglantina Buçi, është zbardhur nga policia dhe grupet hetimore në Tiranë, pas gjetjes të disa pjesë skeleti të groposura në Malin me Gropa. Të dyshuarit kryesorë për këtë ngjarje janë babai Faik Buçi dhe vëllai Shkëlzen Buçi. Ndërsa, shkak i këtij krimi makabër të lënë në hije që në 2012, mësohet të ketë qenë bashkëjetesa e saj pa pëlqimin e prindërve me një djalë. Referuar hetimeve nga policia dhe Prokuroria e Tiranës, babë e bir pasi e kanë vrarë të bijën, trupin e pajetë të 23-vjeçares e kanë groposur në mal, duke u munduar të fshehin të vërtetat e këtij akti të frikshëm. Ndërkohë dinamika e vërtetë e ngjarjes është zbardhur nga një person i tretë, mik i Shkëlzen Bucit, i cili pretendon se ka qenë dëshmitar në ekzekutimin e 23-vjeçares. Referuar dëshmisë së tij, mësohet se fillimisht ai është kontaktuar nga babë e bir për t’u vënë në kontakt me viktimën pasi prej kohësh ajo ishte larguar nga banesa duke mos pasur asnjë komunikim me ta. Por pas disa kërkimesh Shkëlzeni kishte arritur vetë të takonte të motrën dhe pasi ishte takuar kishte qenë me mikun e tij. Mësohet se, ata janë drejtuar në Malin me Gropa dhe pasi të dy kanë arritur në vendin ku u gjet dhe trupi i groposur, Shkëlzeni ka qëlluar të motrën me një plumb në kokë duke e lënë të vdekur. A.L/ gijotina.com
Discussion about this post