Një ngjarje e rëndë ka ndodhur në fshatin Volljakë të Klinës, në Kosovë, ku një person ka vdekur dhe një tjetër është plagosur me armë zjarri. Rastin e ka bërë të ditur zëdhënësi i Policisë për rajonin e Pejës, Fadil Gashi. Gashi ka thënë se personat e plagosur janë dërguar menjëherë në e Spitalin e Pejës, por nga plagët e marra, njëri ka vdekur.
“Policia është njoftuar se ka të shtëna me armë zjarri dhe dyshohet për të plagosur. Me të arritur në vend të ngjarjes, është konstatuar se dy persona janë të lënduar. Janë dërguar në Qendrën e mjekësisë familjare në Klinë, pastaj janë dërguar në emergjencën e Pejës. Pas pak kohe, mjeku kujdestar e ka konfirmuar vdekjen e njërës viktimë” – deklaroi Gashi.
Sipas informacioneve, ngjarja ka ndodhur rreth orës 20:43 minuta. Pas incidentit, policia ndodhet në vendin e ngjarjes, dhe po merret me detajet e rastit.
Discussion about this post