Plagoset me armë zjarri efektivi i “Shqiponjave”

Një ngjarje e rëndë është shënuar pak më parë në Tiranë, ku një polic është plagosur me armë teksa ka qenë në ndjekje të një personi në kërkim.

Polici është i Shqiponjave, sektori shigjeta.

Mësohet se plagosja ka ndodhur pranë spitalit pediatrik, ndërsa efektivi është shtruar te spitali ushtarak ku gjendet jashtë rrezikut për jetën.

Sakaq, raportohet se autori i plagosjes është larguar nga vendi i ngjarjes, ndërsa policia ka nisur punën për identifikimin dhe kapjen e tij.

Njoftim për Mediat

Ndërsa Policia e Shtetit vijon kontrollin për personat në kërkim, një patrullë e repartit “Shqiponja” në ndjekje të një personi të dyshimtë është qëlluar nga ky person dhe për pasojë ka mbetur i plagosur punonjesi i policisë E.A. Punonjësi i Policisë është në sallën e operacionit, ndërsa Policia është vënë në ndjekje të autorit.