Ndeshja e 1/8 të UEFA Champions League mes Eintracht Frankfurt dhe Napolit është dashur të cilësohet si e rrezikshme që në start pasi dihet se tifozët e të dy klubeve janë problematikë.
Eintracht gjithmonë udhëton në numër të madh në ndeshjet jashtë fushe dhe në duelin e parë në Frankfurt sigurisht që ishte në shumicë, megjithatë mysafirët nuk u duheshin për konflikte.
Ndonëse Napoli fitoi 2:0 takimin e parë duke u afruar me kualifikimin në çerekfinale të kompeticionit elitar, një pjesë e mirë e tifozëve të tyre në “Deutsche Bank Park” të Frankfurtit nuk e shijuan natën historike. Tifozët e Napolit luftuan me njëri-tjetrin, ndërsa mikpritësit shikonin të habitur.
Përleshja mes ultrasve nga Napoli ka zgjatur disa minuta, në pjesën e poshtme të “kafazit” për tifozët udhëtues.
Meqë ra fjala, tifozët ultras të Napolit kohët e fundit janë vëllazëruar me një pjesë të tifozëve të Crevna Zvezda-s dhe dyshohet se i kanë ndihmuar të vjedhin simbolet e ultrasve të Romës, “Fedayn Roma”, simbole të cilat, tifozët serbë i dogjën në stadiumin Rajko Mitiç.
Discussion about this post