‘Plas grushti’ në traget, 28-vjeçari dhunohet nga tre persona

Tre të rinj janë ndaluar nga policia pasi kanë goditur me grushte një 28 vjeçar gjatë udhëtimit me tragetin e linjës Bari-Durrës.

Personat F. U., 30 vjeç dhe B. V., 22 vjeç, të dy banues në Laç bashkë me D. G., 34 vjeç, banues në Kamëz janë konfliktuar dhe kanë goditur me grushte G. F., 28 vjeç, banues në Vlorë, i cili ndodhet jashtë rrezikut për jetën.

Njoftimi i Policisë:

DVP Durrës/ Specialistët për Hetimin e Krimeve ndaj Personit dhe Pasurisë të DVP Durrës arrestuan në flagrancë shtetasit F. U., 30 vjeç dhe B. V., 22 vjeç, të dy banues në Laç, si dhe nisi procedimi në gjendje të lirë për shtetasin D. G., 34 vjeç, banues në Kamëz, Tiranë, pasi në bashkëpunim me njëri-tjetrin, gjatë kohës që kanë qenë duke udhëtuar me tragetin e linjës Bari-Durrës, janë konfliktuar dhe kanë goditur me grushte shtetasin G. F., 28 vjeç, banues në Vlorë, i cili ndodhet jashtë rrezikut për jetën.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.