‘Plas’ në Kuvend, Shehaj-Gjiknurit: Je hajdut

Në Kuvendin e Shqipërisë, u zhvillua një debat mes Agron Shehajt dhe Damian Gjiknurit.

Shehaj akuzoi Gjiknurin se është hajdut, ndërsa ky i fundit tha për deputetin demokrat, se është “rast i rrallë kur një budalla bëhet milioner”.

Shehaj: Në këtë parlament miratohen çdo ditë ligje për të pasuruar kryeministrin dhe ministrat. Shikoni rastin e ministres së Jashtme, u mor një vendim për të shpallur ministren investitore strategjike, në fillim ministrja u fsheh pas bashkëshortit e më pas pas kunatës.

Kjo qeveri që bëri inventitore strategjike ministren nuk do të votojë për heqjen e mandatit. Pavarësisht votës tuaj kundër ne do t’i drejtohemi Gjykatës Kushtetuese. Kjo është një qeveri e cila orkestron çdo ditë një aferë. Ka vendosur të marrë Portin e Durrësit për vetë. Siç i dha Dhërmiun Xhakçës, Butrintin Gjiknurit. Mashtroi qytetërt duke thënë se qëndronte EMAAR por sot del Alaabar. Keni kapur çdo pushtet, nuk i trembeni as drejtësisë, as opozitës dhe as qytetarëve.

Gjiknuri: Unë nuk erdha këtu për të bërë debate. Sa herë idioti i dobishëm. Mos e përdor këtë foltore për të zëvendësuar Gjykatën e Tiranës,. Ti je një rast interesant. Ti sfidon ligjet e natyrës se si ka mundësi të bëhesh ti i pasur me këtë pamje dhe budallallëqet që thua. Ti duhet të jesh një rast i mirë për t’u studiuar. Po të qe për ndërtim shiko ndërtimin tënd, se ke ndërtim aty je fshehur me emër tjetër. Më trego sekretin sesi një budalla mund të bëhet i pasur pasi do t’u jepje shembull miliona njerëzve.

Nikolla: Nuk ka replikë mbi replikë…

Shehaj: Më tha hajdut dhe budalla, është hajdut një hajdut. Je një copë hajduti. Do dalësh në gjyq. Kam punuar, tinuk e di si është puna.