“Plas” në PD-në e Bashës, kryesia e Elbasanit jep dorëheqjen në bllok

Zgjedhjet në degën e PD-së së Lulzim Bashës në Elbasan kanë sjellë përplasje mes anëtarëve të Kryesisë.

Anëtarë të Kryesisë kanë dhënë dorëheqjen në bllok në shenjë proteste ndaj futjes së biznesmenit Naim Meta në listën e kandidatëve.

Përveç disa anëtarëve, dorëheqje kanë dhënë edhe kryetari i degës, Eugen Isaji dhe Sekretari Zamir Muzhaqi.

Ata deklarojnë se Naim Meta nuk ka dhënë asnjë kontribut në parti, por biznesmeni është një nga kandidatët që po mbështetet fuqishëm nga deputetja Flutura Açka.

Kandidatura që ajo ka sjellë ka nxitur debate të forta dhe tensione në degën e Elbasanit, duke u pasuar edhe më dorëheqje.

Gjithçka ka ndodhur një ditë para zgjedhjeve që Lulzim Basha do të mbajë në Elbasan, pasi më 11 maj është njoftuar të mbahet Kuvendi i PD-së së vulës në këtë qytet.

Megjithatë, kjo situatë konfirmon edhe njëherë se Basha nuk po bën vërtet zgjedhje, por po vendos në lista personat që do.