Ka degraduar në përplasje fizike procesi i votimit për zgjedhjen e kreut të ri të PD në Bulqizë. Mësohet se ka pasur përplasje mes mbështetësve të dy kandidatëve Fatos Hoxha dhe Shaqir Manjani, pas tërheqjes së ish-kryetarit Dëfrim Fiku nga gara.
Dyshohet se sherri ka nisur pasi njëri nga kandidatët ka parë prani të shtuar të votuesve të rivalit të tij duke tentuar kështu moslejimin e vijimit të votimit. Kështu, debati ka degraduar dhe votuesit janë përplasur në ambientet e Kinemasë së qytetit duke shqyer derën e saj.
Një veprim i tillë ka shkaktuar tension mes të pranishmëve duke bërë që të vijë edhe policia. Ky proces zgjedhjesh u shty të dielën për shkak të pretendimeve për fryrje të listës së anëtarëve që do të votonin për zgjedhjen e kryetarit të ri të degës, ndërsa as sot nuk kanë munguar sherret.
Discussion about this post