Një konflikt, për motive të dobëta në Vlorë është përshkallëzuar në përplasje me sende të forta mes dy personave.
Sipas policisë 32-vjeçari B.L., është arrestuar për veprën penale “Plagosje me dashje”, pasi ka goditur me sende të forta I.K.
Gjithashtu nga uniformat blu një tjetër person është proceduar penalisht.
26-vjeçari J.P., menaxheri i një lokali në Himarë është proceduar pasi nuk respektoi orarin e përcaktuar për mbyllje.
DVP Vlorë/Informacion
Vihet në pranga një 32-vjeçar, për veprën penale “Plagosje e rëndë me dashje”.
Procedohet penalisht dhe një shtetas për vepën penale “Prishja e qetësisë publike”.
Specialistët për Hetimin e Krimeve në Komisariatin e Policisë Sarandë arrestuan në flagrancë shtetasin B. L., 32 vjeç, banues në Tiranë, pasi dyshohet se si pasojë e një konflikti për motive të dobëta, ka goditur me sende të forta shtetasin I. H.
Specialistët për Hetimin e Krimeve në Komisariatin e Policisë Himarë proceduan në gjendje të lirë për veprën penale “Prishja e qetësisë publike”, shtetasin J. P., 26 vjeç, menaxheri i një subjekti në Himarë, pasi nuk ka respektuar orarin e përcaktuar për mbyllje. Materialet iu referuan Prokurorisë, për veprime të mëtejshme.
