Mbrëmja e djeshme në “Dancing With the stars” ka filluar me debate të ashpra. Kjo për shkak se konkurrentët mendojnë se juria është duke favorizuar gjithnjë Elhaida Danin.
Vetë këngëtarja u shpreh se konkurrentet e tjerë nuk i flasin si më parë për shkak të pikëve të larta që ajo merr për përformancat e saj. Për këtë shkak, juria nisi debatin për të sqaruar se nuk ka asnjë preferencë nga ana e tyre dhe nuk askush prej tyre nuk është favorizuar më shumë se të tjerët.
Gjatë transmetimit LIVE, Valbona Selimllari u revoltua, aq sa pati një përplasje edhe me Bora Zemanin. Valbona u shpreh se performancat e tyre që konkurrentet i shohin në YouTube nuk janë të njëjta me ate çka japin në skenë.
“Secili nga këta që e shikojnë në YouTube e shikojnë të kuruar në imazh, kurse ne këtu nuk kurojmë asnjë gjë, ne këtu shikojmë çdo hap, të cilën njerëzit nuk e shikojnë në shtëpi. Në momentin që ju keni gojë të ankoheni dhe shikoni YouTube dhe na viheni neve pas duhet të kuptoni që ajo nuk është e vërteta juaj, e vërteta juaj është aty dhe atë e shohim ne. Jemi vendosur këtu për të vendosur pikët dhe komentet!”
Discussion about this post