Dy familje u përleshën me njëri-tjetrin ditën e djeshme në qytetin e Podujevës në Kosovë. Gazeta Ekspress shkruan se në këtë përleshje kanë qënë të përfshirë 9 persona, të cilët janë dërguar në spital për të marrë trajtim mjekësor.
Sipas raportit të policisë, në sherrin mes dy familjeve janë gjetur dhe konfiskuar një postoletë, në karilator të mbushur me 7 plumba si dhe një shkop. Sherri ka ndodhur rreth orës 09:00 të mëngjesit.
Njoftimi i policisë:
Podujevë, 20.07.2021 – 09:00. Ka ndodhur një përleshje në mes të dy familjeve (9 meshkuj kosovarë), ku si pasoj të njëjtit kanë pësuar lëndime trupore dhe të njëjtit kanë pranuar tretman mjekësor. Në vendin e ngjarjes janë gjetur dhe konfiskuar një pistoletë me një karikator me 7 fishek dhe një shkop. Me vendim të prokurori, rasti shkon në procedurë të rregullt.
