Janë nxehur gjakrat në emisionin “Opinion” mes Mark Markut dhe Agron Shehajt. Gjatë debatit në lidhje me përplasjen brenda PD, Marku u shpreh se doli që në Kuvendin Kombëtar për rithemelimin e PD dhe Berisha nuk tha asgjë, pasi ishte aty. Ndërkohë që tani kërkohet Kuvend Kombëtar për shkak se Berisha ka një problem të vetin personal.
Marku iu drejtua Shehajt duke i thënë se të gjithë mbajtën qëndrim kundër tij, madje dhe Shehaj pasi ai iku nga salla, si dhe nuk guxoi kurrë të ishte një kundërshtar i Bashës. Kjo gjë ka sjell zemërimin e Shehajt, duke iu kthyer Markut me fjalët leksione trimërie dhe guximi nuk i jep dot. Kaq deshi që të fillonte përplasja dhe në ofendime mes njëri-tjetrit.
Më poshtë pjesë nga debati:
Agron Shehaj: Mua leksione nuk më jep dot. Kur unë dola kundër Bashës, ti bëje fushatë për të. Ku ishe ti gjatë fushatës? Ti thoshe duhet të ndryshosh PD dhe jo kryetarin. Si ndryshohet PD, e jo kryetari!?
Mark Marku: Jo për ndryshim që të shkonte tek Basha tek ti. Po rri more tani.
Agron Shehaj: Unë e them çfarë mendoj troç për Bashën. Unë që bëra fushatë kundër Bashës?
Mark Marku: Unë mendoj që një matrapaz nuk duhet të bëhet kryetar i PD.
Agron Shehaj: Je mirë nga mendja?
Mark Marku: Po, je tregtar.
Agron Shehaj: Jam sipërmarrës.
Mark Marku: Po ik more. Nuk duhet biznesmen në politikë, je standard i ulët me Bashën dhe me çdokënd që është në PD.
Agron Shehaj: Stadard i ulët je ti, se dhe dorëheqjen. Nuk ta mbajti! Pse nuk ta mbajti? Hë mo ku je. Se nuk ta mbajti. Ky mentalitet komunist…
Mark Marku: Po, është problem
Agron Shehaj: Themelo Partinë e Punës.
Mark Marku: Dy raste ka, Trump dhe Berluksoni.
Agron Shehaj: Ti nuk e ke haberin se çfarë është tregëtia
Mark Marku: Të gjithë janë bixhozçi. O mashtrues.
Agron Shehaj: Nuk e kuptoj se për çfarë dreqin…
Mark Marku: Mos ngrini mite kot.
Agron Shehaj: Ti jep mend.
Mark Marku: Unë bëj shumë keq dhe jap dorëheqjen.
