Turizmi në Shqipëri, prej kohësh është tronditur nga ngjarje të rënda të cilët janë dhe pasqyruar dhe në shtypin e huaj, siç ishte dhe rasti i vdekjes së 7-vjeçares, Jonada Avdia në plazhin e Potamit.
Së fundmi, një emigrant shqiptar, i cili kishte zgjedhur vendlindjen për të kaluar pushimet e kësaj vere ka dhunuar pronarin e një hoteli. Ngjarja është denoncuar nga dëshmitar i momentit, që ka zbuluar sesi ka ndodhur konflikti që la me brinjë të thyerje dhe me çarje në trup pronarin, 70-vjeçar të hotelit.
Emigrati shqiptar nga Gjermania kishte rezervuar një dhomë për dy persona në hotelin e 70-vjeçarit. Ditët e fundit, ai kishte dashur të fuste në dhomë edhe dy persona të tjerë, por kjo gjë është kundërshtuar nga pronari i hotelit. Ky i fundit i ka shpjeguar se pagesa ishte bërë për dy persona dhe jo për katër e për pasojë ai nuk mund të mbante njerëz të tjerë në dhomë.
Pas konfliktit, pushuesi ka kërkuar që të marrë mbrapsht paratë e të gjitha ditëve që kishte qëndruar në hotel. Por pronari nuk ka pranuar t’ia japë. Për pasojë, emigranti e ka dhunuar 70-vjeçarin, i cili aktualisht ndodhet në spital. Nuk dihet nëse është marrë ndonjë masë ndaj pushuesit që përveç dhunës, ka shkatërruar edhe dhomën e hotelit ku kishte qëndruar.
Discussion about this post