Plas sherri për të shkuar në tualet, 17-vjeçari shqiptar godet me thikë bashkëmoshatarin

Një adoleshent shqiptar ka goditur me thikë ditën e sotme një bashkëmoshatar pas një sherri se kush do hynte i pari në tualet.

Lidhur me ngjarjen mediat italiane raportojnë se, 17-vjeçari shqiptar dhe ai egjiptian nisën të ziheshin për radhën e tualetit. Pas sherrit verbal, shqiptari e goditi adoleshentin me thikë në dorë.

Nga ana tjetër një nga kujdestaret e konviktit ku jetonin të miturit ka dëgjuar britmat që vinin në korridor dhe ka shkuar menjëherë në drejtim të tyre.

Ajo ka gjetur 17-vjeçarin me plagë në dorë dhe e kanë dërguar në spital. Ndërsa shqiptari, i cili kishte hedhur thikën në tualet, është proceduar penalisht nga policia italiane. Dy të miturit jetonin në një strehimore në Bolonja.