Një tjetër sherr i dhunshëm me 6 të lënduar ka ndodhur këtë të premte në Kosovë.
Lidhur me ngjarjen bëhet me dije nga informacionet paraprake të policisë se ngjarja ka ndodhur në Dragash, ku gjashtë persona kanë marrë lëndime në trup pas një sherri që ka ndodhur për motive të dobëta në fshatin Zgatar të Dragashit.
“Pas një mosmarrëveshje verbale, situata eskalon në sulm fizik, ku gjashtë të dyshuar meshkuj kosovarë kanë pësuar lëndime trupore. Katër prej tyre pas trajtimit mjekësor janë intervistuar dhe me vendim të prokurorit, janë liruar ndërsa dy prej tyre janë në kërkim policor”, thuhet në njoftim.
Policia ndodhet në vendin e ngjarjes, ku po punon për zbardhjen e shkaqeve të konfliktit.
Discussion about this post