Fillojnë problemet e para në Arabinë Saudite, ku për shumë klube do të jetë e vështirë që të kontrollojnë yjet e paguar me miliona euro.
Shpërthimet e Ronaldos në fushën e lojës sa herë gjërat nuk shkojnë mirë për Al Nassr janë të dukshme, ndërsa sot është bërë e ditur se edhe Karim Benzema ka probleme të mëdha me trajnerin e skuadrës së tij.
Sipas medias me bazë në Londër, Asharq Al-Awsat (në arabisht do të thotë “Lindja e Mesme”), sulmuesi francez është zënë me trajnerin portugez Nuno Espirito Santo, pasi nuk i pëlqen trajtimi që ka marrë nga klubi.
Nëse Al Nassr u vu plotësisht në dispozicion të Ronaldos dhe e bëri kapiten duke ndërtuar lojën rreth tij, te Al Ittihad, Santo kërkon që Benzema t’i përshtatet atij dhe as nuk e ka marrë në konsideratë idenë që t’i japë shiritin.
Kjo situatë ka acaruar Benzema teksa raportohet se në fakt trajneri nuk kishte qenë ai që kishe kërkuar sulmuesin në ekip.
Kështu, Benzema ka folur me ndërmjetësin i cili e transferoi në Arabinë Saudite, duke i kërkuar që të gjejë sa më shpejt zgjidhje.
Discussion about this post