Kryetari i Komanduar i Partisë Demokratike, Enkelejd Alibeaj ka bërë me dije se nesër paradite do të organizojë një diskutim për platformën për bashkimin e demokratëve.
“Pas një jave diskutimesh mes kolegeve të grupit parlamentar, diskutimeve në mbledhjen e fundit të grupit, si dhe vendimmarrjes që secili koleg të bëjë propozime me shkrim, është konkluduar në një qëndrim që përbën një platformë parimesh për bashkimin e demokratëve, e propozuar deri më tani nga shumica dërrmuese e deputetëve të Grupit Parlamentar”, ka thënë Alibeaj.
Ai thotë se platforma mbështetet nga më shumë se 30 deputetë të grupit parlamentar dhe do t’i shërbejë bashkimit.
“Për të prezantuar zyrtarisht këtë dokument që ka mbështetjen e më shumë se 30 deputetëve të Grupit Parlamentar, do të zhvillojë një bashkëbisedim në oren 10:30.”, tha Alibeaj.
Platforma do i prezantohet me pas për vendimmarrje mbledhjes së grupit parlamentar të Partisë Demokratike, me synimin për një mbështetje unanime nga i gjithë grupi parlamentar.
Discussion about this post