Në lidhje me platformën e prezantuar sot nga kreu i grupit parlamentar, Enkelejd Alibeaj, ka reaguar edhe deputetja e Partisë Demokratike, Greta Bardeli. Me anë të një postimi në Facebook, Bardeli shprehet se të gjitha këto propozime apo drafte, duhen debatuar në një mbledhje me të gjithë deputetët e PD-së. Sipas saj, çdo draft-propozim duhet të përfshijë dhe qëndrimet përkatëse të çdo deputeti të PD-së.
“Të nderuar demokratë të Shkodrës, njerëz që më së pari kam detyrimin t’ju informoj dhe bashkëqytetarët e mi gjithashtu: Sot opinioni publik është njohur me një draft platformë nga z.Enkelejd Alibej si dhe një listë të deputetëve që e mbështesin këtë propozim. Po ashtu në të njëjtin komunikim janë bërë me dije dhe qëndrimet e një pjese të vogël të grupit që kishin kërkuar që ato të deklaroheshin nga z. Alibeaj publikisht. Me këtë rast në respekt të gjithë votuesve të mi dhe në cilësinë e deputetes së Qarkut Shkodër sqaroj qëndrimin tim me këtë çështje: Kam kërkuar dhe do vazhdoj të kërkoj hartuesve të draftit, dhe çdo propozimi me këtë qellim, të mbështetet ose jo me votë dhe saktësisht me Votim të Fshehtë nga të gjithë deputetet e PD. Drafti dhe çdo propozim tjetër gjykoj që duhet diskutuar dhe debatuar në mbledhjen e gjithë deputetëve të dalë nga zgjedhjet e 25 Prillit pa asnjë përjashtim duke garantuar transparencë të plotë! 3.Cdo draft propozim përfshirë edhe i sotmi duhet të siguroj pa dallim dhe qëndrimet përkatëse të çdo deputeti të Partisë Demokratike! I qëndroj fort bindjes se të gjithë krahët në PD në situatën ku ndodhemi duhet të gjejnë kurajën që përmes dialogut të hapur, të gjejnë rrugët e bashkimit ku e para dhe e vetmja duhet te jetë vota dhe gjithëpërfshirja e demokratëve!” – shkruan Bardeli.
Discussion about this post