Edhe pse qytetarët e Durrësit kanë ngritur disa herë zërin për situatën e mbetjeve që prej muajsh nuk pastrohen nga bashkia, kjo e fundit vazhdon ta neglizhojë këtë problematikë.
Në pamjet e siguruara nga Gijotina.com shihet se si në lagjen 14 në Shkozet, plehrat janë mbledhur grumbull, ku përveç aromës së keqe mbetjet urbane bëhen pengesë edhe për të kaluar.
Bashkia është justifikuar duke e konsideruar si të përkohshëm vendgrumbullimin e mbetjeve në atë lagje, ku edhe pse premtuan se do t’i hiqnin, situata vijon të jetë e njëjtë.
Kjo nuk është hera e parë që Durrësi “vuan” nga problematika e mbetjeve, pasi Gijotina.com ka raportuar më herët se situata ka qenë e rëndë dhe në Shijak, ku koshat e mbeturinave nuk kishin kanë më hapësirë për hedhjen e plehrave, duke përfunduar më pas në mbulimin e të gjithë trotuareve dhe rrugëve me mbetje.
Pas më shumë se dy muajsh, situata mori zgjidhje, pasi perfekti i Durrësit firmosi vendimin e Këshillit Bashkiak për depozitimin e mbetjeve në Sharrë. Pas zgjidhjes së problemit në Shijak, situatë është rënduar në Shkozet, ku pritet ndërhyrje nga Bashkia.
