Kryeministri i Kroacisë, Andrej Plenkovic po qëndron në një vizitë zyrtare në Kosovë. Pas takimit me kryeministrin Albin Kurti, ai ka thënë se shteti kroat do ta ndihmojë Kosovën në rrugën drejt integrimeve evropiane dhe në çështjen e liberalizimit të vizave.
“Po punojmë që ta ndihmojmë Kosovën në rrugën evropiane, po ashtu do ta ndihmojë me liberalizimin e vizave. Tashmë e dini që Kroacia është anëtarja më e re në BE, dhe se do t’u ndihmojë sa i përket reformave. Kroacia do ta përkrah dialogun për stabilitet në rajon. Po ashtu, ne jemi të interesuar të ketë marrëdhënie të mira me Kosovën dhe të përmirësojë marrëdhëniet me Serbinë”, tha Plenkovic, gjatë një konference për mediat.
Ndërsa, Kurti ka shtuar se e vlerëson shumë mbështetjen që merr Kosova nga Kroacia në rrugën e saj drejt shtet-ndërtimit.
“Vizita e sotme ri konfirmon afërsinë dhe marrëdhëniet e mira mes dy shteteve tona, pasi kemi të kaluar të përbashkët. Jemi mirënjohës për bashkëpunimin e shkëlqyeshëm dhe mbështetjen e vazhdueshme që Kroacia i jep Kosovës”, ka thënë Kurti.
Ndër të tjera, Kurti ka thënë se kanë biseduar për raportet miqësore mes dy vendeve dhe mënyrat sesi mund t’i intensifikojnë ato.
Discussion about this post