Një ngjarje e rëndë ka ndodhur ditën e djeshme (3 gusht) në Durrës, ku humbi jetën 52-vjeçari Arben Kurmeka, i cili u zu poshtë nga disa pllaka mermeri që rrëshqitën nga kamioni, teksa po punonte.
Sipas policisë, shoferi i kamionit 62 vjeçari Musa Kabashi, iku nga vendi i ngjarjes dhe nuk njoftoi as policinë dhe as ambulancën mbi ngjarjen e rëndë.
Musa Kabashi është arrestuar sot në flagarancë, për veprat penale “Shkelja e rregullave të mbrojtjes në punë” dhe “Largimi nga vendi i aksidentit”.
Për këtë ngjarje dyshohet të ketë qenë shkak edhe shkelja e rregullave të mbrojtjes në punë, nga 62-vjeçari Musa Kabashi, i cili pas rrëshqitjes së pllakave mbi shtetasin Arben Kurmekën, është larguar nga vendi i ngjarjes, pa dhënë ndihmë dhe pa njoftuar Policinë.
Njoftimi i policisë
Në vijim të informacionit paraprak të dhënë mesditën e djeshme, se shtetasi A. K., 52 vjeç, humbi jetën për shkak se nga kamioni me të cilin po punonte, kishin rrëshqitur disa pllaka mermeri dhe e kishin zënë poshtë, ju bëjmë me dije se:
Si rezultat i hetimeve të kryera menjëherë pas ngjarjes, specialistët për Hetimin e Krimeve të Komisariatit të Policisë Durrës arrestuan në flagrancë shtetasin M. K., 62 vjeç, banues në Xhavzotaj, Durrës (shoferi i kamionit prej nga ku rrëshqitën pllakat), për veprat penale “Shkelja e rregullave të mbrojtjes në punë” dhe “Largimi nga vendi i aksidentit”. Për këtë ngjarje dyshohet të ketë qenë shkak edhe shkelja e rregullave të mbrojtjes në punë, nga 62-vjeçari, i cili pas rrëshqitjes së pllakave mbi shtetasin A. K., është larguar nga vendi i ngjarjes, pa dhënë ndihmë dhe pa njoftuar Policinë.
Vijojnë hetimet për të provuar ligjërisht përgjegjësinë penale të shtetasit M. K.
Discussion about this post