Këshilli i Lartë i Prokurorisë ka emëruar sot dy prokurorët, të cilët do të bëhen pjesë e SPAK. Sipas informacioneve në garë për të plotësuar vakancat në SPAK ishin tre kandidatë, por KLP ka aprovuar emërimin vetëm për 2 prej tyre. Bëhet me dije se, në fund të procesit të vlerësimit për të tre kandidatët u dha përgjigje pozitive për Elvin Gokaj me 216 pikë dhe Alfred Shehu me 211 pikë, ndërsa e treta në listë, me më pak pikë dhe që nuk mundi të fitonte garën ishte Sonila Muhametaj (Domi) me 208 pikë. Sipas vendimit të KLP, në këto funksione emërohen prokurorët Elvin Gokaj dhe Alfred Shehu, me emërimin e të cilëve tashmë SPAK ka 17 prokurorë të emëruar nga KLP.
KLP konfirmon se dy kandidatët plotësonin të gjitha kriteret e vendosura nga rregullorja për rekrutimet në SPAK, ndërsa theksohet se vlerësimi për të përzgjedhurit vazhdon gjatë gjithë kohës për të vërtetuar pastërtinë e figurës dhe kriteret e tyre.
Discussion about this post