Braziliani Roberto Firmino ka rënë dakord me skuadrën e tij të re pas largimit nga Liverpool.
Roberto Firmino ka luajtur te Liverpool që nga viti 2015! Edhe pse Jurgen Klopp do të kishte dashur që sulmuesi brazilian të vazhdonte në “Anfield”, Firmino donte një sfidë të re në karrierën e tij. Sulmuesi nuk kishte mungesë ofertash dhe kërkohej nga disa skuadra të mëdha në Europë, por në fund zgjodhi qytetin e mrekullueshëm të Xhedas.
Gazetari Fabrizio Romano shkruan se Firmino ka arritur marrëveshje me Al-Ahlin e Xhedas, duke kryer vizitën mjekësore dhe nënshkruar kontratën e vlefshme deri në vitin 2026. Në skuadrën e tij të re, Firmino do të jetë shok skuadre i Edouard Mendy, ish-portierit të Chelseat.
Roberto Firmino ka luajtur te Liverpool që nga viti 2015, vit kur u transferua për 41 milionë euro nga Hoffenheim. Aktualisht amerikano-jugori vlerësohet nga faqet e specializuara në 22 milionë euro, pavarësisht se tre vite më parë ai kuotohej me një të lartë: 90 milionë euro.
Discussion about this post