Tirana dhe pjesa më e madhe e territorit të vendit janë mbuluar ditën e sotme nga një re pluhuri afrikan që ka sjellë edhe rritjen e temperaturave deri në 24 gradë Celsius.
Kjo re pluhuri me origjinë nga Saharaja po lëviz në drejtim të veriut duke prekur më tepër jugun e Europës, Maltën, Greqinë, Italinë e Jugut dhe Shqipërinë.
Në vendin tonë, kjo re pluhuri pritet të ketë trashësinë më të madhe në zonën e Lezhës për shkak edhe të relievit gjeografik të zonës.
Ekspertët parashikojnë një rrallim gradual të kësaj reje pluhuri ditën e nesërme, por temperaturat do vijojnë të jenë të larta.
Shumë qytetarë po hasin vështirësi pasi reja e pluhurit po shkakton një situatë mbytëse për shkak të masave të ngrohta ajrore.
Discussion about this post