Ekzekutorët e biznesmenit Mondi Mëhalla I njohur edhe si Edmond Hyka që shihni në këtë foto mbeten të lirë në arrati, ndërsa motivet e krimit mbeten mister me pista që përfshijnë deri tek konfliktet e mundshme të 43-vjeccari me ortakët në bizneset ku ushtronte veprimtari.
Kjo është makina me të cilën vrasësit iu afruan pranë karburantit ku Mondi Mëhalla u vra Brenda mjetit të tij luksoz sapo kishte dalë nga zyra.
Mjeti u gjet i shkrumbuar këtë të hënë 1 dhjetor, në fshatin Mirakë, mes Elbasanit e Librazhdit, drejtim të cilët autorët u larguan menjëherë pas krimit.
Skema është e njëjtë, thuajse pas të gjitha atentateve të bujshme të viteve të fundit, dhe Brenda mjetit u gjet edhe një armë zjarri pistoletë që dyshohet se u përdor për krimin.
Në kërkim të gjurmëve të mundshme të autorëve, makina do të dërgohej për ekspertizë të thelluar.
Vendi ku u gjet mjeti, sugjeron se nga këtu autorët kanë vijuar të lëvizin me një tjetër makinë, dhe mundësitë e lëvizjes janë disa.
Ata mund të ketë vijuar drejt juglindjes nga ku mund të dalin edhe drejt Greqisë apo Maqedonisë së Veriut, ndaj edhe policia ngriti postblloqe kontrolli në rrugë nga Librazhdi deri në Kapshticë
Edmond Mëhalla u ekzekutua me tre plumba pistolete, dy në kokë dhe një në gjoks, të cilat i shkaktuan vdekjen e menjëhershme brenda makinës luksoze me të cilën ai lëvizte.
Skema me tre goditje në organe jetike dhe saktësia ngrenë dyshimet se autorët mund të jenë profesionistë.
Mondi Mëhalla ose Edmond Hyka përveçse pronar i karburantit “Xhaxhi Oil” në dalje të Elbasanit, rezulton të ketë në pronësi edhe një kompani taksish elektrike” si dhe një lokal.
Sipas të dhënave 43-vjeccari ishte në një proces gjyqësor për armëmbajtje pa leje, posedim sendesh të jashtëligjshme dhe shpërndarje narkotikësh.
Mondi Mëhalla rezulton se jetonte në Tiranë, por lëvizte shpesh herë në Elbasan për shkak të aktivitetit ekonomik atje.
Burime pranë grupit hetimor thanë se mosmarrëveshjet me bizneset e tij dyshohen te jete një nga shkaqet e krimit të rende, por pa përjashtuar as pista të tjera.
Ekspertët e policisë mësohet se kanë siguruar pamje nga kamera sigurie pranë vendit të krimit, bizneseve të tjera dhe përgjatë rrugës Elbasan-Tiranë për të rënë në gjurmët e vrasësve të biznesmenit.
Discussion about this post