Banorët e Bërxullës kanë dalë sot në protestë përballë Kuvendit, pasi për zbatimin e projektit të rrugës Thumanë- Kashar, i cili prek 20 banesa, kërkojnë dëmshpërblim me çmimin e tregut.
Ata thanë para gazetarëve se asnjë deputet nuk i ka mbështetur në kërkesën e tyre, ndërsa deklaruan se dosjen do ta dërgojnë në SPAK.
“Ne kemi dhe deputet zone që nuk është parë asnjë ditë, është Orlando Rakipi. Ai ka tagrin dhe është deputet i zonës, duhet të na prijë i pari e jo të mos na e hapë telefonin”, tha një nga banorët.
“Projekti i rrugës duhet të kishte nisur që në vitin 2019. Shteti dhe Qeveria për të mbyllë dëmshpërblimin i lidhi direkt pa garë kontratën. Dëmi ishte gati rreth 110 mln euro. Ne kemi përgatitur dosjen dhe do e çojmë në SPAK. Duhet që të veprohet në mënyrë urgjente, e jo siç po veprohet në çështje të tjera. Ditën e shtunë do jemi në terren, do fotografojmë të gjitha mjetet që janë duke punuar, sa janë hedhur në mënyrë të paligjshme. Kjo rrugë nuk ka ende një tabelë se si do të zhvillohet. Është hera e parë e fundit, jemi me dhëmbë dhe do ia tregojmë Qeverisë. Plumbi del me plumb thonë, fjalë e urtë popullore”, tha një tjetër.
Discussion about this post