“Plumbi i artë”, policia aksion për kapjen e Ervis Martinajt dhe “kokave” të krimit

Pas arrestimit të 18 personave, operacioni “Plumbi i artë” vijon ende të zhvillohet në disa qytete të vendit. Mësohet se RENEA, Policia e Shtetit dhe FNSH ka zbarkuar në qytetin e Durrësit dhe të Fierit për të rënë në gjurmët e 14 personave të shpallur në kërkim, mes të cilëve dhe Ervis Martinaj.

Policia dhe prokurorët e SPAK, kanë ushtruar kontrolle në disa banesa dhe biznese në qytetin e Durrësit dhe Fierit.

Mësohet se kontrollet janë ushtruar në biznesin e Xhevdet Troplinit që ndryshe njihet në Durrës me nofkën “Poja” dhe i skeduar nga policia për ngjarje kriminale.

Gjithashtu kontrolle për shoqërimin e personave të skeduar është bërë dhe në qytetin e Fierit dhe të Korçës.

Kjo pasi bashkëpuntori i Drejtësisë dyshohet se ka folur edhe për vrasjen e ndodhur në 25 Tetor 2021, ndaj biznesmenit Demir Backa.