Vijojnë kontrollet e imtësishme në Elbasan nga forcat Shqiponja në kuadër të operacionit “Plumbi i Artë”. Aktualisht policia ka ngritur pika kontrolli në të gjitha hyrjet dhe daljet e qytetit.
Dyshohet se objektivi janë kapja e personave e rrethit të Talo Çelës.
Gjithashtu kujtojmë se në orët të mëngjesit të djeshëm, janë kryer kontrolle në banesa, biznese të këtij qyteti.
Nuk dihet ende nëse aksioni lidhet me dëshmitë e Dumanirt dhe Xhixhës. Ndërsa kujtojmë se një ditë më parë në qytetin e Durrësit dhe të Fierit, policia dhe prokurorët e SPAK ushtruan kontrolle në disa banesa dhe biznese.
Kontrolle janë kryer poashtu disa ditë më parë edhe në biznesin e Xhevdet Troplinit në Durrës, i cili njihet me nofkën ‘Poja’. Kontrollet në Fier dhe Durrës janë konfirmuar edhe mëngjesin e sotëm nga Drejtori i Përgjithshëm i Policisë, Gledis Nano.
E gjithë dosja e Prokurorisë së Posaçme kundër Korrupsionit dhe Krimit të Organizuar lidhur me operacionin “Plumbi i Artë” me dy të penduarit Nuredin Dumani dhe Henrik Hoxhaj është publikuar në media.
Më shumë se 12 janë ngjarjet kriminale mendohet se janë zbardhur nga dëshmia e Nuredin Dumanit, pas arrestimit. SPAK ka goditur 8 grupe kriminale në Tiranë, Durrës dhe Elbasan dhe bëhet fjalë për krimet ndër më të rëndat në këto vitet e fundit, ekzekutime mafioze por edhe urdhra për vrasje.
Discussion about this post